उपहार

रुने हाँस्ने मेरो लागि कोही छैनन भने हुन्छ
झुक्याएर विष दिई बरु मलाई मारे हुन्छ ।


समयलाई दोष दिन्न भाग्य मेरै खोटी रहेछ
कुहिइएको सिनो सम्झी नाक थुनी हिडे हुन्छ ।


झुक्याएर विष दिई बरु मलाई मारे हुन्छ
सगै दुइटा मुटु थिए एउटा फुटि सक्यो ।


तिमै नाममा मरिसके लाश खोज्न हिँडे हुन्छ
झुक्याएर विष दिई बरु मलाई मारे हुन्छ ।

दुःख पिडा आँशुका ती दिन सबै विताईसके

चुरा धागो सिन्दुर पोते आगो लगाई फाले हुन्छ ।

झुक्याएर विष दिई बरु मलाई मारे हुन्छ
सपना सम्झी विष दिनु माया प्रेमको हाम्रो कथा ।

जलि रहेछ मेरो चिता आगो ताप्न आए हुन्छ
झुक्याएर विष दिई बरु मलाई मारे हुन्छ ।

हिराको हार र मर्सिडिज सकिन है दिन
मेरो मृत्यस तिम्रो लागि उपहार ठाने हुन्छ ।

मलाई जीन्दगीको उकालो काट्न मन छ

मलाई जीन्दगीको उकालो काट्न मन छ
आफ्नै नेपालीहरु सँग बस्दै खेल्दै
पिर मर्का अनी खुशी बाड्न मन छ ।
भुटेको मकैसंगै टन्न मोही खोज्ने यो मन
फापरको रोटी र नुन खुर्सानी खाने मन्न छ
फर्केर अतीत केलाउँदा
एक पटक फेरि बाल्य काल सम्झन मन छ

सानो छँदा, त्यो सल्लोको रूखमा
खोपेर आफ्नो नाम लेखेको,

भन्ज्याङ अनी दोवाटोमा
हाते साङ्लो बनाउँदै संगीहरूसंग
मूलको पानी पातमा थापेर पिउन मन छ ।

गुराँसे डाँडाको गुराँस चुम्न खोज्ने मेरो मन
एँसेलु र चुत्रो टिपी खाने मेरो मन
आफ्नै नेपालीहरु सँग बस्दै खेल्दै
मलाई जीन्दगीको उकालो काट्न मन छ
आफ्नै नेपालीहरु सँग बस्दै खेल्दै
पिर मर्का अनी खुशी बाड्न मन छ
मलाई जीन्दगीको उकालो काट्न मन छ ।

आमाको सपना

आमा, त्यो आउँछ र?
“हो, बा, त्यो आउँछ ।
त्यो बिहानको सूर्य झैँ उज्यालो छर्दै आउँछ ।
त्यसको कम्मरमा झुण्डिएको, शीतजस्तै टल्कने
तिमी एक हतियार देख्नेछौ;
त्यसैले ऊ अधर्मसित लड्नेछ !
त्यो आउँदा तिमी पहिले त सपना हो कि भनेर
छामछुम गर्नेछौ, तर त्यो हिउँ र आगोभनदा पनि
बढ्ता छोइने भएर आउँछ ।”
हो र आमा ?
“हो, तिमी जन्मँदा तिम्रो कलिलो अनुहारमा
त्यसकै छाया देख्ने आशा गरेकी थिएँ;
तिम्रो हिस्सी परेको हँसाइमा त्यसैको सुन्दर छवि;
तिम्रो तोते बोलीमा त्यसैको मधुर ध्वनि;
तर त्यो मीठो गीतले तिमीलाई
आफ्नो बाँसुरी बनाएनछ !
त्यो तिमी नै हौला भन्ने
मेरो यौवनभरिको सपना थियो !
जे होस् त्यो आउँछ;
म आमा हुँ, सारा सृजनशक्तिको मुख भएर
म भन्न सक्तछु,
तयो आउँछ,
मैले यो कुनै अल्छी सपना देखेको होइन !
त्यो आएपछि तिमी यसरी
मेरो काखमा आएर घोप्टिने छैनौ;
सत्य कुरालाई तिमी यसरी
चुम्बकिएर कथा सुनेझैँ सुन्ने छैनौ;
तिमी त्यसलाई आफैँ नै देखन सक्ने, सहन सक्ने र
ग्रहण गर्न सक्ने हुनेछौ;
मैले यसरी धैर्य दिनुको सट्टा तिमी सङ्ग्राममा जाँदा
लाख सम्झाएर पनि नमान्ने आमाको मनलाई
सान्त्वना दिँदै बिदा हुनेछौ;
मैले यसरी रोगीलाई झैँ तिम्रो कपाल
मुसारिरहनुपर्ने छैन !
हेरौँला, त्यो हुरी भएर आउनेछ,
तिमी पात भएर पछयाउनेछौ !
उहिले त्यो जीवनलोकबाट झरेर जूनजस्तै पोखिँदा
सारा जडता सगबगाएको थियो, बा;
त्यो आउनेछ, तिमी उठ्नेछौ !”
त्यो आउँछ कि आमा,
मधुर उषाले चराहरुको कण्ठलाई जस्तै
त्यो आउन आशाले मेरो हृदयलाई कुतकुत्याइसक्यो आमा !
“हो, त्यो आउँछ,
त्यो बिहानको सूर्यझैँ उज्यालो छर्दै आउँछ ।
अब म उठेँ, गएँ ।”
* * *
“तर त्यो तिमी नै हौला भन्ने
मेरो यौवनभरिको सपना थियो !”

म तिमीलाई फेरि भेट्नेछु

म तिमीलाई फेरि भेट्नेछु
कहाँ ? कसरी ? त्यो त थाहाछैन

म तिमीलाई फेरि भेट्नेछु
कहाँ ? कसरी ? त्यो त थाहाछैन
सायद तिम्रो कल्पनाको झिल्का बनेर
तिम्रो क्यानभासमा उत्रिनेछु
वा सायद तिम्रो क्यानभासमाथि
एउटा रहस्यमयी रेखा बनेर
चुपचाप तिमीलाई हेरिरहनेछु

वा सायद सूर्यको किरण बनेर
तिम्रो रङ्गमा घोलिनेछु
वा रङ्गको अँगालोमा बसेर
तिम्रो क्यानभासमा उत्रिनेछु
थाहाछैन कहाँ-कसरी ?
तर तिमीलाई पक्कै भेट्नेछु

वा सायद एउटा झर्ना बनेको हुनेछु
र जसरी झर्नाको पानी उड्दछ
म पानीको थोपा
तिम्रो शरीरमा मिसिनेछु
र एउटा चिस्याहट जस्तै बनेर
तिम्रो छातीमा टाँसिनेछु ?

म अरु केही जान्दिन
तर यति चैँ पक्का जान्दछु
समयले जेसुकै गर्नेछ
यो जन्म त मेरै साथ चल्नेछ?

यो शरीर रहँदा
सबै कुरा समाप्त हुनेछन्
तर चेतनाको धागो
ब्रम्हाण्डीय कणबाट बनेको हुन्छ
म तिनै कणहरूलाई रोज्नेछु
धागोलाई बेर्नेछु
र फेरि भेट्नेछु तिमीलाई ?


कम्प्युटरको किबोर्ड सरी(गजल)

कम्प्युटरको किबोर्ड सरी किन थिच्छौ घरी घरी
स्वाभिमानी नेपाली भै किन बिक्छौ घरी घरी

नेपाल बनोस शान्तिक्षेत्र युद्ध गर्ने मैदान हैन
बिद्रोहको पाठ मात्रै किन सिक्छौ घरी घरी

लाज छैन शरम छैन देश नै सिध्याउँदा पनी
डकार पनि आउँछ होला किन घिच्छौ घरी घरी

नेपाल आमा हसाँउन सिक थोरै भएपनी
मुटु भित्र काँडा बनि किन बिझ्छौ घरी घरी

देश बनाउन अघि सरे कोहि असल मानवलाई
रुख माथि चढाएर फेद गिड्छौ किन घरी घरी

न त आफु केहि गर्छौ जनता अनि देशको लािग
नेपाल सक्ने नियत लिई किन हिड्छौ घरी घरी ॥

How to Download YouTube Songs

<
I want to do this! What's This? ..
YouTube is the online networking sensation that connects millions of people from all over the world by sharing videos. The range of videos are vast, which makes the genres plenty to choose from: comedy, reviews, video blogs, and the ever popular songs. Bands and amateur musicians upload their songs to YouTube everyday, but they do not always have a link available to download. If you ever wanted to get your favorite music off YouTube, all you need is a little patience. You will get it.
.Difficulty: Easy
Instructions.1
Go to the YouTube video which has the song you want to download. Then highlight and copy the web address of the video, which can be accomplished either by copying what is listed in the "URL" box of the video's info, or go to your address bar to do it.

2
Navigate to "http://vixy.net" to access an online converter Website. Make sure not to put "www.vixy.net" on your address bar because that will direct you to an incorrect domain.

3
Paste the YouTube URL into the "URL" box on the Vixy Website. Make sure that the URL code is listed correctly as shown in the example on the page. You will get an error if the URL code is incorrect, and you will not be able to download your YouTube song.

4
Click on the "Converts To" drop-down menu and select either "MP3 (Audio Only)", "MP4 for IPod/PSP," or "3GP for Mobile" to convert your YouTube song. You may also opt to convert the song along with the video that accompanied it by selecting either "AVI for Windows" or "MOV for Mac."

5
Press "Start" to begin your conversion. A progress bar will show you how much percent it has converted, as well as the size of the original YouTube video. Once the bar has reached 100 percent, a window will open prompting you to save the file. Click "Save" to begin downloading your YouTube song.
.

Read more: How to Download YouTube Songs eHow.com http://www.ehow.com/how_5019881_download-youtube-songs.html#ixzz0zNZp3Uru

मेरा सपनाहरु

कसैलाई माया गरे कुन्नी कस्तो भुल भयो
आफ्नै मुटु चस्किरहने बेदनाको सुल भयो
तिमीलाई माया गरे खै कस्तो भुल भयो

मिल्काउदै छ्यौ मेरो माया बगरको ढुङ्गा जस्तो
भेट्यौ कि त माया कतै सुबास दिने फुल जस्तो
कस्तो मन रैछ तिम्रो काँचुली झै फेरिरहने
बनाउने भयौ यो आँखालाई फोटोमात्रै हेरिरहने ....

तिमीलाई मन दिए खै ! कस्तो भुल भयो
पराइको माया तिम्लाई सुबाश छर्ने फुल भयो
तिमीलाई माया गर्ने कस्तो मेरो भुल भयो ।

तिमी बिनाको जिबन भन्दा पिउनै जाती जहर बरु
त्यागी दिन्छु बाँच्छु भन्ने मेरा सबै रहर हरु ......
देख्यौ भने सपनिमा नडराउनु है ! अँधेरिमा
जुन बनी उदाइदिन्छु सधैं तिम्रो माझेरिमा

कसैलाई माया गरे कुन्नी कस्तो भुल भयो
आफ्नै मुटु चस्किरहने बेदनाको सुल भयो
तिमीलाई माया गरे खै कस्तो भुल भयो

यात्री
कुन मन्दिरमा जान्छौ यात्री,
कुन मन्दिरमा जाने हो ?
कुन सामग्री पुजा गर्ने,
साथ कसोरी लाने हो ?
मानिसहरूका काँध चढी,
कुन देवपुरीमा जाने हो ?
हाडहरूका सोन्दर खम्बा,
मांस पिण्डका दिवार ।
मस्तिस्कको यो सुनको छाना,
इन्द्रियहरुका द्वार !
नसा-नदिका तरल तरङ्ग,
मन्दिर आफू अपार !
कुन मन्दिरमा जान्छौ यात्री,
कुन मन्दिरको द्वार ?
मनको सुन्दर सिंहासनमा
जगदिश्वरको राज !
चेतनको यो ज्योति हिरण्य,
उसको शिरको ताज !
शरिरको यो सुन्दर मन्दिर,
विश्वक्षेत्रको माझ ।
भित्र छ ईश्वर बाहिर आँखा
खोजि हिंडछौ कुन पुर ?
ईश्वर बस्तछ गहिराइमा,
सतह बहन्छौ कति दूर ?
खोजी गर्छौ ? हृदय उगाऊ,
बत्ती बाली तेज प्रचुर ?
साथी यात्री बीच सडकमा,
ईश्वर हिंडछ साथ
चुम्दछ ईश्वर काम सुनौला
गरीरहेको हात
छुन्छ तिलस्मी करले उसले,
सेवकहरूको साथ ।
सडक किनारा गाउँछ ईश्वर
चराहूरूको तानामा
बोल्दछ ईश्वर मानिसहरूको
पीडा, दु:खको गानामा
दर्शन किन्तु कहीं दिंदैन,
चर्म-चक्षुले कानामा ।
कुन मन्दिरमा जान्छौ यात्री,
कुन नवदेश बिरानामा ?
फर्क फर्क हे ! जाऊ समाऊ,
मानिसहरूको पाउ !
मलम लगाऊ आर्तहरूको,
छहराइरहेको घाउ
मानिस भई ईश्वरको यो
दिव्य मुहार हँसाऊ ।